Gipahibalo sa Pag-IBIG Fund Iligan City Branch , pinaagi ni Marketing Specialist Efren Endriga III, ang espesyal nga marketing program nga gitanyag sa ahensya alang sa myembro niini nga mao ang Pag-IBIG Acquired Assets Super Sale.
Matod ni Endriga, usa sa mga highlight sa programa mao ang 35 porsyento nga diskwento sa mga unoccupied nga property gikan sa Acquired Assets.
Samtang alang sa mga occupied units, mahimo pa usab nga himoon ang negotiation, diin puwede makadawat og 40 porsyentong diskwento depende sa kasabotan.
Gibutyag usab nga ang pag-avail sa super sale mahimong buhaton online pinaagi sa Meets Beeds Online ug kinahanglan lang maghimo og Buyer ID. ug Dili na kinahanglan moadto personal sa buhatan sa Pag-IBIG Fund. Ang promo lungtad lamang Disyembre 14, 2025.
Nunot niini giawhag ni Endriga ang tanang miyembro sa Pag-IBIG Fund nga wala pa’y kaugalingong balay nga dili palabyon ang higayon aron makabenepisyo sa Acquired Assets Super Sale.
Photo courtesy to: Pag-Ibig Iligan
