Giawhag sa Regional Nutrition Council 10 ang Lokal nga Panggamhanan sa Iligan nga ipatuman ang duha ka resolusyon nga nagtinguha sa pagpalambo sa maayong nutrisyon sa syudad.
Ang mga resolusyon naglakip sa paghatag og healthy meals ug snacks sa tanang meetings, conferences, trainings, ug uban pang kalihokan sa lokal nga panggamhanan.
Apil usab ang suporta sa Search for the Best Garden of Go, Grow and Glow (G4) Initiative, nga nag-awhag sa tanang Regional Line Agencies ug LGUs sa aktibong pag-apil.
Gipahibalo kini pinaagi sa sulat ni Dr. Glenn L. Manarpaac, MD, Acting City Health Officer, ngadto kang Konsehal Simplicio Larrazabal III, Committee Chairperson on Health.
Ang mga resolusyon giduso ug giaprubahan sa konseho atol sa regular session.
Photo courtesy to: Iligan CPIO
