Gibutyag sa kadumalahan sa Information and Communications Technology Center (ICTC) Iligan, pinaagi sa OIC Head Nouvell Krish Aehmery A. Lagapa, ang detalye sa ilang massive training program nga gipahigayon sa tanang offices sa syudad.
Matod ni Lagapa, gisugdan na nila niadtong nakalabay nga bulan ang training nga nagtutok sa data privacy ug cybersecurity, ubos sa mando ni Iligan City Mayor Frederick Siao.
Sa laing bahin, gibutyag usab niya nga ang ika-upat nga agenda sa ICTC mao ang ICT resilience, diin giapil ang cyber security pinaagi sa Information Communication Campaign (ICC) nga nagpunting sa katawhan ug mga estudyante.
Gidugang pa, nga sa niaging tuig, kapin sa 800 ka estudyante ang nihimo og training sa cyber security, usa ka lakang aron masiguro ang kahimtang sa digital safety sa siyudad.
Photo courtesy to: City Government of Iligan
