Ugdaw human gilamoy sa dakong kalayo ang unom ka panimalay didto sa Purok 2B, Poblacion, Lantapan Bukidnon kagabii Disyembre 11, 2025.
Giingong miulbo ang sunog sa usa sa pinuy-anan gikan sa kusina ug wala na kini maapas gumikan sa daling pagkuyanap sa kalayo hangtod naabot ang ubang mga silingang balay nga pulos gama sa light materials.
Sa pakighinabi sa Juander Radyo Malaybalay kang linewoman Rosemarie Alo – BFP Lantapan miingong nadawat sa ilang buhatan ang taho alas 9 kapin kagabii. Base sa inisyal nga imbestigasyon posibleng electrical faulty wiring ang hinungdan sa sunog ug mikabat 90 mil pesos ang danyos.
Nasayrang apektado sa maong sunog ang pamilyang Anfone, Ramirez, Pinohan, ug Yap nga karon walay nasalbar nga mga gamit
Hinuon walay natalang samdan o casualty sa maong panghitabo
via: SP Katorse RC
