Mi-atras si Senator Jinggoy Estrada sa pagka-miyembro sa bicameral conference committee alang sa gisugyot nga national budget alang sa musunod nga tuig.
Gibasa ni Senate Majority Juan Miguel Zubiri ang request letter nga gisumite ni Estrada atol sa Senate plenary session niadtong Martes, human nga giaprubahan sa Senado ang resolusyon sa pagpalapad sa legislative calendar sa Congress aron mapasar ang 2026 budget sa dili pa matapos ang kasamtangang tuig.
Nagtuo si Zubiri nga ang pag-atras ni Estrada sa iyang posisyon sa bicam nagtumong aron hatagan og konsiderasyon sa body.
Giklaro usab ni Zubiri nga ang desisyon sa Senado sa pagtudlo kang Estrada isip usa sa mga miyembro sa bicameral conference committee awtomatik nga gihatag sa Senate Finance Committee chairperson ug sa vice chairperson sa subcommittee niini.
Dugang pa sa majority leader nga ang posisyon sa bicam dili pinili ni bisan kinsa ug dili usab usa ka special privilege, tungod kay tanan nga miyembro niini mga sub-committee chairmen o vice chairmen.
Tungod niini, nag-mosyon si Senate President Vicente Sotto III nga aprobahan ang request ni Sen. Estrada ug i-withdraw ang iyang designation sa bicam.
Una nang gitudlo si Senador Jinggoy sa Senado nga mahimong usa sa mga miyembro sa bicameral conference committee aron tukion ug tarungon ang mga makasupak nga probisyon sa Senate ug House versions sa 2026 budget.
Photo courtesy to:SENATE OF THE PHILIPPINES
