Naggamit karon sa datos gikan sa Integrated Survey on Labor and Employment sa PSA ang Occupational Safety and Health Center (OSHC) Region-10 aron mapalambo ang mga polisiya sa workplace safety ug health sa tibuok nasud.
Sumala ni Regional Manager Leizl Ann Marie Lee, ang impormasyon gikan sa OSHP ug OID modules mahimong basihanan sa ilang policy recommendations aron masiguro nga mas lig-on ang Occupational Safety and Health compliance ug mas protektado ang mga trabahante.
Ang survey naglakip og datos sa prevention measures, safety personnel, OSH programs, training, ug record sa occupational injuries ug diseases sa lain-laing industriya.
Matod pa ni Lee nga makatabang kini sa pag-ila sa sektor nga daghang aksidente, pag-monitor sa performance sa OSH programs, ug pagsusi kung epektibo ba ang mga control measures.
Nakatutok ang OSHC sa pagpalig-on sa advocacy, preventive efforts, ug pagsiguro nga mosunod ang mga kumpanya sa OSH requirements.
Photo courtesy to: OSCHPH
