Gihatagan ug dakong gibug-aton ug gipaklaro sa kadumalahan sa Government Service Insurance System (GSIS) Iligan City Branch, pinaagi ni Troy L. Palermo, OIC Branch Manager, ang mga detalye bahin sa isyu sa mga alegasyon nga giingon pang-atake batok sa GSIS.
Matud pa ni Palermo, adunay alegasyon nga ang pondo sa GSIS gisugal sa Digiplus ug uban pang mga klase sa dula nga may kalabutan sa investment.
Gihatagag katin-awan ni Palermo nga pinaagi sa ilang President ug General Manager nga si Arnulfo “Wick” A. Veloso gibutyag nga ang pondo sa GSIS wala gigamit sa sugal ug lig-on nga gidumala alang sa paghatag ug serbisyo sa mga miyembro.
Nunotniini giimbitahan ang publiko nga bisitahon ang GSIS podcast aron mas masabtan ang impormasyon, ug makita sa ilang YouTube channel ug sa Facebook page ang series episodes.
Gipahimangnoan usab sa GSIS ang publiko nga magbantay sa mga sayop nga impormasyon ug gisiguro nga ang pondo sa ahensya lig-on ug hapsay nga gigamit alang sa benepisyo sa mga miyembro.
Photo courtesy to:PANA
