Gipagawas sa Miss Universe Organization ang opisyal nga pamahayag kabahin sa kritikal nga kahimtang ni Miss Jamaica Universe 2025 Dr. Gabrielle Henry human kini nahulog sa stage atol sa preliminary competition niadtong Nobyembre 19, 2025 sa Bangkok, Thailand.
Nasayran nga nagka–intracranial hemorrhage ang kandidata ug nakasinati usab og loss of consciousness, fracture, facial laceration ug ubang grabeng kadaot sa iyang lawas. Padayon kini nga giatiman sa mga espesyalista ug gimonitor 24-7 tungod sa seryoso nga kahimtang.
Gipasabot sa MUO nga posible nang makauli si Miss Jamaica sa mga mosunod nga adlaw uban ang full medical escort team aron ibalhin kini sa ospital sa iyang lugar alang sa padayon nga pagpaayo.
Gipaniguro usab sa Miss Universe Organization nga ilang abagan ang tanang gastuhon sa pag-atiman ug pag-uli sa kandidata.
Photo Courtesy to: Thechronicle.com.ph
