Nadakpan atol sa drug buy-bust operation sa mga personahe sa Sto. Tomas Municipal Police Station ang usa ka giilang pedicab driver sa lungsod sa Sto. Tomas sa gipahigayong joint Anti-Illegal Drug operation kauban ang kwerpo sa nagkadaiyang departamento sa kapulisan sa Davao Norte Police Provincial Office (DNPPO) bandang alas-4:03 sa hapon, Disyembre 9, 2025 sa Prk. 19, Fd Rd 4, Brgy. Tibal-og, sa nahisgutang lungsod ug probinsya.
Giila ang suspek nga si alyas Ranjun, 46-anyos, single, residente sa nasangpit nga Barangay kinsa gikonsedera usab nga Street Level Individual (SLI).
Napalitan ang suspetsado ug usa ka pakete sa gituohang shabu gamit ang usa ka genuine Php500 bill ug usa ka machine copy nga Php1000 isip boodle money.
Samtang narekober usab sa iyang posisyon ang laing usa ka pakete sa gituohang shabu. Gibana-banang motimbang og 0.4 gramo ang nakuhang iligal nga droga nga nagkantidad og Php2,720 subay sa Standard Drug Price.
Sa pagkakaron, anaa na sa kustodiya sa Sto. Tomas MPS ang maong suspek ug mga ebidensya alang sa tukmang disposasyon.
Photo for illustration credits to:News medical
