Hapit na mapahimuslan sa mga residente ang kantidad nga Php270-Milyones nga Farm-to-Market Road Project sa lungsod sa Talaingod, probinsya sa Davao del Norte diin naangkon na ang pag-uyon sa Department of Agriculture (DA).
Makabenipisyo ang kapin 9,700 ka Lumad alang sa 7.8-kilometros nga konkreto nga kalsada sa nahisgutang lungsod human sa seremonyal nga pag-award sa No Objection Letter 1 (NOL 1) para sa DA-PRDP Scale-Up subproject, ang Rehabilitation sa Daligdigon–Paiton Farm-to-Market Road nga dunay tulay, ug adunay kinatibuk-ang project cost nga ₱270 milyon.
Gidawat ni Governor Edwin Jubahib ug Provincial Planning and Development Coordinator Engr. Maria Hazel Zafra ang NOL 1, gikan kang Department of Agriculture Undersecretary Engr. Roger V. Navarro, Undersecretary for Operations, Agri-Fisheries Mechanization, ug Rural Credit.
Ang award gi-issue sa ngalan ni DA Secretary Francisco P. Tiu Laurel, Jr. atol sa seremonya nga gipahigayon sa DA Central Office sa Quezon City.
Saksi sa pag-award sa NOL 1 alang sa proyekto sila DA-11 Regional Executive Director ug PRDP-PSO Mindanao Project Director Macario Gonzaga ug PSO Mindanao Deputy Project Director Carlene Collado.
