Nagtambayayong ang Bangko Sentral ng Pilipinas (BSP) ug ang Securities and Exchange Commission (SEC) aron mapanalipdan ang retirement savings sa mga Pilipino.
Niadtong Disyembre 3, 2025, ang duha ka institusyon mipirma og memorandum of agreement (MOA) sa pagpaambit sa datos, ingon man ang pag-access ug paggamit sa impormasyon gikan sa Personal Equity ug Retirement Account System o PERASys.
Ang PERASys mao ang sentral nga database sa tanang mga kontribyutor sa PERA nga gidumala sa BSP. Makatabang kini sa pagsiguro nga ang mga tinigom nga hinaguan sa matag kontribyutor ug ang katugbang nga mga insentibo sa buhis tukma nga natala ug maayo nga napanalipdan.
Ubos sa MOA, ang BSP ug SEC magtinabangay aron masiguro nga ang datos nga may kalabotan sa mga kontribyutor sa PERA gipaambit nga luwas ug gigamit nga responsable, nga makapahimo sa epektibo nga serbisyo alang sa mga Pilipino nga mamuhunan alang sa ilang pagretiro.
“Kon imong ilain ang bahin sa imong kita para sa imong kaugmaon, nagsalig ka kanamo sa pagpanalipod sa maong puhunan. Uban niining panagtambayayong , nagmugna ang sistema nga magpabiling luwas ang imong impormasyon ug mas sigurado ang imong kaugmaon. Usa kini ka lakang padulong sa pagtabang sa matag Pilipino nga moretiro nga may dignidad ug kalinaw sa hunahuna,” matod ni Gobernador Eli M. Remolona, Jr. sa BSP.
Ubos sa MOA, ang duha ka institusyon sa gobyerno nagsiguro sa hingpit nga pagsunod sa mga balaod sa pribasiya sa datos ug nagtakda og taas nga mga sumbanan para sa kompidensyalidad, pagtipig og rekord, ug seguridad sa datos. Ang MOA naglatid og klaro nga mga pamaagi para sa pagreport, pagdumala sa mga isyu sa operasyon, ug pagpanalipod sa impormasyon.
Source:BSP
Photo Courtesy to: Philippine Information Agency
