Way kabutangan ang gibating kasubo ug kasuko sa 51-anyos nga si Tatay Rolando Lopez human nga makita ang anak nga nabulit og dinunggaban nga napalgan sa kasagbutang bahin sa Purok 4B, Kamakawan, Brgy. Gusa Dakbayan sa Cagayan de Oro kagahapong adlawa.
Matod pa ni Tatay Rolando, way kalaban, dili laagan, dili barkadista ug buotan nga bata ang iyang anak nga si Roylan Lopez, rason nga blangko siya kung unsay motibo sa pag patay sa iyang anak.
Nisamot og ka emosyunal si Tatay Rolando sa pangutana nga kung unsa kasakit ang mamatyan og anak gumikan kay wala na matod pa siyay kaabag sa pag panginabuhi sa umahan isip mag-uuma.
