Wala na makaikyas pa ang magtiayon human nga gipusasan sa mga operatiba sa PNP Drug Enforcement Group sa gipahigayong joint buy-bust operation sa Laguindingan Misamis Oriental, kauban ang uban pang operating units sa kapulisan.
Giila ang magtiayon sa alias nga “Madam,” 45-anyos, ug alias “Ser,” 46-anyos nga residente sa Marawi City.
Sumala sa imbestigasyon, giingong nagsugod ang magtiayon sa ilang pamaligya of shabu niadtong niaging tuig, diin ang ilang suply nag gikan sa gikan sa Maguing, Lanao del Sur ug ipang apod-apod unta sa Lanao del Norte, Iligan City, Cagayan de Oro City, ug Tagoloan, Misamis Oriental.
Nakuha sa operasyon ang lima ka dagkong knot-tied plastic cellophane nga adunay gituohang shabu, nga adunay gibug-aton nga 500 gramos ug Standard Drug Price nga Php3,400,000.
Ang magtiayon ug ang nakumpiskang droga anaa na sa kustodiya sa SOU 10, PNP DEG, ug pasakaan og kaso ilalom sa Sec. 5 ug 11, Art. II sa RA 9165.
Source: PRO 10
