Gisiguro sa Department of Agriculture (DA) pinaagi ni Secretary Francisco Tiu Laurel Jr. nga adunay igong supply sa karne sa baboy ug ubang pork products sa tibuok nasud bisan pa sa import ban gikan sa Spain.
Ang Spain gipahamtang og ban sa pag-export sa baboy ug pork products ngadto sa Pilipinas sukad sa miaging semana, human ma-report ang outbreak sa African Swine Fever (ASF) sa nasangpit nga nasud.
Kauban niini, gipahunong usab ang pag-isyu sa sanitary ug phytosanitary permits, ug gi-revoke ang mga daan nga permit nga na-isyu na. Matod pa ni Secretary Laurel, puno ang cold storage facilities sa nasud aron masiguro nga matubag ang panginahanglan sa pork products labi na karong holiday season.
Base sa inventory sa DA, sobra pa ang available nga supply kumpara sa gibanabana nga demand sa merkado. Ang Spain mao ang ikaduhang labing dako nga supplier sa karne sa baboy sa Pilipinas, human sa Brazil.
Hangtod sa Setyembre 2025, miabot sa kapin 131,000 metriko tonelada ang gi-import sa Pilipinas gikan sa Spain.
Photo Courtesy to: Business Mirror
