Suportado sa United Drivers Association (UNIDA) usa ka transport group sa dakbayan Cagayan de Oro ang ilunsad nga tulo ka adlaw nga hunong pasada sa grupong Manibela nga magsugod karong adlawa.
Sumala pa ni UNIDA President, Joel Gabatan, tuod dili magpahigayon og transport strike ang ilahang grupo apan suportado nila ang mga panawagan sa grupong Manibela labi na pipila sa ilahang mulo ang kakulang sa pagtagad sa panggamhanan sa ilahang sektor ug dili makiangayong patakaran, sama nalang sa pagpahamtang kanila og taas nga multa.
Idugang pa ang bulok nga kultura sa payola kon bribery sa Land Transportation Office kon LTO, samtang libuan ka mga driver ang dili makatrabaho tungod sa pagkalangan sa pag-isyu og gikinahanglang dokumento ug renewal sa ilahang prankisa.
Saysay pa ni Gabatan nga gawas sa gikaatubang nga problema sa mga jeepney drivers, lakip sila sa nakighiusa diha sa pagpanawagan nga kinhanglang adunay manubag nga mga opisyal sa gobyerno nga nalambigit karon sa kontribersiya sa koprasyon.
Pagpaklaro niya nga wala na sila maglunsad og transport strike aron likay nga magamit sa pamulitika.
Photo courtesy: Alamy
