Mokabat sa 17 ang angol human mitay-og ang magnitude 7.6 nga linog sa amihanang baybayon sa Japan pasado alas-10:15 kagabii, Lunes, Disyembre 8 (oras sa Pilipinas), mga 80-kilometros gikan sa Aomori Prefecture sa Pacific coast hinungdan sa gi-usa nga tsunami warnings.
Natala sa Japan Meteorological Agency (JMA) ang tsunami nga 40 hangtud 70 sentimeros sa baybayon sa Aomori ug Hokkaido samtang kapin sa 90,000 ka mga tawo ang gihikling gikan sa baybayon aron malikayan ang peligro.
Sa pagkakaron, ang mga awtoridad sa Japan nagpadayon sa pag-monitor sa kahimtang ug nag-awhag sa katawhan nga magpabilin nga layo sa baybayon hangtod nga makumpirma nga wala nay hulga sa tsunami.
Gi-rate sa Japan Meteorological Agency og Shindo upper-6, usa ka kusog nga intensity diin lisod na ang pagtindog ug daghang kagamitan ang mahulog.
Ang kusog nga pag-uyog nakadaot sa mga bintana, dingding, ug nagpa-undang sa serbisyo sa pipila ka tren.
Dali usab nga gisusi ang mga planta sa nukleyar sa Hokkaido ug Aomori aron masiguro nga walay kadaot nga natala.
Nasayrang ang Japan usa sa pinaka-seismically active nga nasod sa kalibutan, nga anaa sa ring of fire, mao nga kasagarang makasinati og kusog nga linog ug tsunami
via: THE GUARDIAN
