Parehong nisaka ang imbentaryo sa bugas ug mais sa nasud bulan sa Nobyembre, tungod sa mas taas nga stock sa mga panimalay ug mga depositoryo sa gobyerno, sumala sa usa ka report nga gipagawas sa Philippine Statistics Authority (PSA).
Ang kinatibuk-ang stock sa bugas anaa sa 2.55 milyon metriko tonelada (MT) sa Nobyembre 1, nga nagtimaan og 3.8% nga pagtaas gikan sa 2.46 milyon MT sa parehas nga panahon sa miaging tuig.
Ang pagtaas naggikan sa mga depositoryo sa National Food Authority (NFA), nga misaka og 225% gikan sa miaging tuig, ug gikan sa mga panimalay, nga nakakita og 27.5% nga pagtaas,” matod sa PSA.
Sa kasukwahi, ang mga stock sa commercial rice nakatala og dakong 33.4% nga pagkunhod kon itandi sa Nobyembre 2024.
Samtang, ang mga stock sa mais miabot og 790,160 MT—misaka og 27.6% gikan sa 619,160 MT niadtong Nobyembre 2024.
Bisan pa, sa binulan nga basehan, ang mga stock sa mais miubos og 6.7%, gikan sa 846,810 MT nga natala niadtong Oktubre.
Samtang, ang produksiyon sa mais miabot og 2.41 milyon nga MT, gamay nga ubos sa 2.44 milyon nga MT nga natala sa parehas nga kwarter sa 2024.
via: ISTOCK
