Gikumpirma sa Bureau of the Treasury nga nisaka na usab ang utang sa national government, nga karon milabaw na og ₱17.56 trilyon sulod sa bulan sa Oktubre.
Rason niini ang pagkunhod sa peso batok sa dolyar, nga miabot sa usa sa labing ubos nga kantidad nga ₱59.13 per dollar niadtong Oktubre 28.
Bisan pa man og nakab-ot sa gobyerno ang budget surplus, o sobra sa kwarta nga wala nagamit, nisaka gihapon ang utang tungod kay mas mahal ang bayaran sa utang nga dolyar ang basehan.
Ang pagtaas nga ₱106.78 bilyon kumpara sa miaging bulan milapas na sa target sa administrasyon Marcos nga unta ₱17.36 trilyon ra ang utang karong tuiga.
Gisulti usab nga ang isyu sa flood control corruption maoy nakaapekto sa paggasto sa gobyerno, hinungdan sa dako nga surplus, apan bisan naa nay sobra nga kwarta, dili kini igo aron mapugngan ang pagsaka sa utang.
Photo Courtesy to: BOT
