Naila sa Guinness World Records ang magtiayon nga sila si Ekkachai Tiranarat ug Laksana tungod sa pinakataas nga halok sa kalibutan human sila giingnan sa pari nga “kiss the bride.”
Kahibaloan nga ang duha gikasal niadtong 2013, sa usa ka simbahan sa nasud sa Thailand, sa dihang nag-atubang na sila sa pari ug gibindisyonan. Pagkahuman sa ilang kasal, miingon ang pari nga, “Karon human na ang inyong seremonyas, pwede na kamong mag-kiss isip simbolo sa inyong pagminahalay.”
Samtang naghalok ang duha, nakurat ang mga nanambong kay pirti dugaya sa ilang hinalukay nga miabot og 58 ka oras, o sobra sa duha ug tunga ka adlaw nga naghagkanay, nga maoy hinungdan nga sila nakuha sa Guinness.
Pirting pagkakurat sa mga nanambong niadtong tungura kay imbis mahuman na ang kasal, apan wala mohunong ang magtiayon sa ilang hinalukay. Ang mga bisita gigutom na, pero wa gihapon mobiya kay wa pa man sila mahuman sa pag-kiss; hasta ang pari gigutom sab, apan wa gihapon mobiya sa simbahan.
Segun sa Guinness, ilang nalabwan ang kaniadto nga naghupot sa rekord nga adunay 48 ka oras nga naghagkanay niadtong 2011.
Apan sa tuig 2025, ang magtiayon nahibaloang nagbuwag na kay naa na usab silay lain-lain nga kaparis. Wala gihulagway kon unsay hinungdan sa ilang pagkabulag, apan sumala ni Ekkachai, mapasigarbuhon gihapon siya sa ilang nakab-ot human sa ilang kasal sa iyang kanhing asawa nga sila naila sa tibuok kalibutan.
Photo Courtesy: Pexels
