Giila nga labing tigulang nga driver sa Bus sa tibuok kalibutan ang usa ka senior citizens nga lalaki, 95-anyos, nga gikan sa Texas.
Naila ang maong lalaki nga si Raymond Hager, taga Wichita Falls, gikabiliban ang iyang ka astig sa pagdrive, ug nakakuha sa pag-ila sa tibuok kalibutan tunod sa iyang edad ug status isip usa ka aktibo nga drayber sa bus niadtong Mayo 2025.
Siya usa ka drayber sa Falls Ride, ang sistema sa pampublikong transportasyon sa siyudad, sulod sa 27 ka tuig. Si Hager miingon nga nagsugod siya sa pagmaneho sa dihang nag edad siya ug 14 anyos, ug diha-diha dayon ganahan na siya pagmaneho og dagkong mga sakyanan.
Bisan tuod orihinal siyang nagplano nga moretiro sa edad nga 95, nausab ang iyang hunahuna ug miingon nga magpadayon siya sa pagmaneho basta himsog ug makahimo pa siya. Agig pag-ila sa iyang talagsaon nga dedikasyon, gideklarar siya nga hatagan ug pasidungug sa ilang gobyerno sa dapit sa Wichita Falls niadtong Nobyembre 18, 2025 nga “Raymond Hager Day.”
Sa laing bahin, si Raymond mapasalamaton kaayo ug miingon nga usa ka panalangin alang sa usa ka yano nga “tawo sa probinsya” sama kaniya ang pagdawat sa maong dungog.
Photo Courtesy:The guardian
