Gilunsad sa Cebu Pacific ang bag-ong promo fare padulong Singapore nga nagsugod sa Php388 alang sa one-way base fare gikan Manila, sumala sa anunsyo sa airline niadtong Lunes. Sa ilang advisory, giingon sa airline nga ang promo mokabat sa: Php388 gikan Manila, Php488 gikan Clark, Php788 gikan Cebu, Php838 gikan Iloilo.
Magamit ang promo fares gikan Nobyembre 24 hangtod 27, ug ang travel period molungtad gikan Agosto 1 hangtod Oktubre 31, 2026. Sumala sa Cebu Pacific, padayon nga popular ang Singapore alang sa mga Pilipinong nangita og memorable nga bakasyon tungod sa seamless connectivity, world-class culinary scene, ug bantugang tourist attractions.
Sa datos sa airline, nakapadala ang Cebu Pacific og 2.081 milyon ka pasahero niadtong Oktubre, gamay og 1% nga pagkunhod kung itandi sa sama nga bulan niaging tuig. Ang domestic passengers mikunhod og 4.5% ngadto sa 1.547 milyon, samtang misaka og 10.7% ang international passengers ngadto sa 534,000.
Niadtong Hulyo, nahimong unang airline sa Pilipinas ang Cebu Pacific nga nakab-ot ang 100-aircraft fleet, human madawat ang bag-ong A330neo nga 459-seater widebody aircraft nga mas makamenos og 25% nga fuel consumption ug mas hilom ang operation.
SOURCE: GMA
Photo Courtesy to:BusinessWorld Online
