Gihagit ni Presidente Ferdinand R. Marcos Jr. si kanhi Ako Bicol Party-list Rep. Zaldy Co nga mobalik sa Pilipinas ug atubangon ang iyang mga kaso nga may kalabotan sa korapsyon sa flood control, imbes nga ibutyag ang walay basehanan nga mga alegasyon samtang gatago.
Una nang gibasura sa Presidente ang mga alegasyon batok kaniya ni Co, kinsa nag-atubang sa warrant of arrest kauban ang 15 ka uban pa kalabot sa graft ug pagpangurakot sa pundo sa publiko sa usa ka anomalosong flood control project sa Oriental Mindoro.
Gihatagan og gibug-aton sa Hepe sa Ehekutibo nga ang mga alegasyon ni Co gumikan nagtago-tago kini og nahulog nga wala’y kahulogan tungod kay dili siya gusto nga mopauli ug pamatud-an ang iyang mga akusasyon. Una palang, gipahibalo sa Presidente nga gikustodiya na karon sa mga otoridad ang ubang kaubang akusado ni Co.
Giawhag sa Presidente ang nahabilin nga mga akusado nga mosurender sa mga awtoridad ug atubangon ang ilang mga kaso.
Nipasaka usab ang Ombudsman og mga kasong graft ug malversation batok ni Co ug sa mga opisyal sa Department of Public Works and Highways (DPWH) ug uban pang nalambigit sa Sunwest Corporations base sa mga ebidensiya nga nahipos sa Independent Commission for Infrastructure (ICI) ug DPWH.
Photo Courtesy to:Politiko
