Gihingusgan sa National Bureau of Investigation nga walay ‘special treatment’ nga ihatag sa mga indibidwal nga may kalabotan sa flood control case.
Kini maoy hugot nga gipahayag ni NBI Officer-in-charge Dir. Angelito Magno samtang nagpabilin siya sa ilang detention facility. Ang maong pamahayag nunot sa malampusong pagkasikop ni DPWH MIMAROPA Engr. Dennis Pelo Abagon sa Quezon City pinaagi sa bureau.
Si Abagon usa sa mga kaubang akusado ni kanhi Ako Bicol Party-list Rep. Zaldy Co sa ‘malversation case’ nga giatubang niya sa Sandiganbayan. Busa, ipaubos pa siya sa dugang imbestigasyon aron masuta kon responsable ba usab ang pipila ka mga tawo nga mitabang kaniya samtang siya nagtago-tago.
Magpabilin sa ‘secure detention facility’ sa NBI ang dinakpan nga opisyal sa Department of Public Works and Highways samtang nagpaabot sa pagpagawas sa kamanduan gikan sa korte nga nagdumala sa kaso.
Photo Courtesy to:Business Mirror
