Gipaboran ni Misamis Oriental Probinsyal kapitol Information Officer Joan Tabique nga usbawan ang silot sa bisan kinsa nga magpakatag sa fake news. Kini human plano sa Kongreso nga pataasan ang silot sa mga tigpakalat og fake news, gikan sa 6 hangtod 12 ka tuig nga pagkabilanggo ug multa nga ₱500,000 hangtod ₱2 milyon.
Matod ni Tabique nga ang kapitol probinsyal nakasinati sa peke nga facebook page account tungod gi-awat kini sa troll og nakahatag sa negatibong epekto sa mga katawhan rason ilang gihingusgan usab ang pakigbatok sa fakenews. Gipanawagan niini sa mga Misamisnon nga dili basta nalang motoo sa mga posting sa social media ug sutaon una nila ang ilang facebook page account aron dili sila mabiktima sa peke nga balita.
Kahibaloan nga adunay kongresista ang nagduso sa house bill 5241 aron kontrahon ang fake news gumikan sa pagsaka sa mga bakak sa social media.
Photo Courtesy to: ECPS
