Gikonsidera nga “illness” ang paggamit ug pag-abuso sa ilegal nga droga nga moresulta sa adiksyon. Kahibaloan nga karong semanaha gina-obserba ang Drug Abuse Prevention and Control Week apan alang kang Dr. Tristan Jediah Labitad, Head of the Non-Communicable Diseases Cluster sa Department of Health-Northern Mindanao nga angayang ginasaulog kini dili lang karong semanaha apan sa matag adlaw.
Sumala pa ni Dr Labitad nga daghang risgo sa panglawas ang paggamit og illegal nga droga apan dili lang pisikal o sa panglawas ang dala niini nga kadaot lakip na sab ang relasyon sa usa ka katao ngadto sa iyahang pamilya ug sa komunidad.
Dugang niini nga ang pagsulbad sa problema sa ilegal nga droga dili lang mag-agad sa usa ka ahensya sa gobyerno apan kolaborasyon kini sa panggamhanan ug sa komunidad nga kitang tanan adunay katungdanan nga batukan ug malikayan ang paggamit sa ginadili nga droga.
Padayon ang ilahang adbokasiya ug pagpasabot sa katawhan aron nga malikay ang katawhan labi na ang kabataan diha sa paggamit sa illegal nga droga.
