Gikataho sa media sa Tokyo, Japan kagahapong adlawa nga isuspinde sa China ang pag-import sa Japanese seafood samtang nagkalalom ang diplomatikong panaglalis sa duha ka nasud tungod sa mga komento bahin sa Taiwan.
Kahibaloan nga ang China gi-angkon ang Taiwan nga bahin sa ilang teritoryo. Nasayran nga nagsugod ang panaglalis human nga gisugyot ni Prime Minister Sanae Takaichi niadtong Nobyembre 7 nga ang Tokyo mahimong manghilabot sa militar sa bisan unsang pag-atake sa Taiwan.
Ang pagtaho sa pagsuspinde sa pag-import sa seafood wala gibutyag sa Japanese media kung asa nga tinubdan sa gobyerno kini naggikan. Kalabot niini, gipasabot usab sa China ang lakang nga gikinahanglan kini aron mamonitor ang giatiman nga wastewater nga gipagawas gikan sa naigo nga Fukushima nuclear power plant.
Kahinumdoman nga sa miaging semana, gipatawag sa China ang embahador sa Tokyo ug gitambagan ang mga residente nga dili mobiyahe sa Japan ug kinahanglan usab nga mag-amping ang mga tinun-an.
Samtang, gibutyag usab sa state media nga ang duha ka mga salida sa Japan i-postpone usab sa China.
Photo courtesy to: MarketScreener
