Pormal nang gipasaka sa Office of the Ombudsman, ang unang kaso sa Sandiganbayan, kalabot sa anomalosong proyekto sa flood control.
Human sa duha ka bulan nga imbestigasyon, pagtapok sa mga ebidensya ug testimonya, gi-anunsyo gahapong adlaw sa Ombudsman ang gi-isyu niini nga resolusyon para makapasang-at ug kasong kriminal kontra sa mga nalambigit.
Sumala ni Assistant Ombudsman Mico F. Clavano, ilang gipasakaan ug kasong criminal si former Ako Bicol Party list Rep. Zaldy Co, pipila ka opisyal sa Department of Public Works and Highways, ug ang board of directors sa Sunwest Corporation.
Partikular nga gipasaka sa Sandiganbayan ang mga kasong Malversation of Public Funds through Falsification of Public Documents, paglapas sa Section 3e sa Republic Act 3019 o Anti-Graft and Corrupt Practices Act.
Samtang gipasakaan ug usab ug lahi nga ug dugang kaso si Zaldy Co, sa paglapas niini sa Section 3(b) sa RA 3019, sa pagdawat ug ‘unwarranted financial’ o ‘pecuniary benefits.
Photo courtesy to:PNA
