Gisugdan na ang Digos City Division Schools Press Conference o DSPC 2025 nga gipahigayon sa Digos City National High School kagahapon, Nobyembre 20, 2025.
Nagkatigom ang mga campus journalist, mga coach, ug school paper advisers gikan sa lain-laing public ug private schools aron ilhanan sa pagsugod sa maong tinuig nga kompetisyon sa campus journalism.
Sa pormal nga seremonya, nagpahimangno si Dr. Beverly Daugdaug ug opisyal nga gipahayag ang pagsugod sa DSPC 2025.
Ang tema karong tuiga nga Inspired to Empower: Amplifying Voices Through Campus Journalism nagpunting sa dakong papel sa kabatan-onang manunulat sa pagpasiugda sa kamatuoran ug pag-empower sa komunidad pinaagi sa ilang mga sinulat.
Samtang nagpadayon ang mga kompetisyon, nagpadayon usab ang DSPC sa pagpalambo sa kahanas sa campus journalism nga matag istoryang masulat mahimong tingog nga mapadungog, ug matag batan-ong journalist mahimong instrumento sa paglambo ug pagbag-o sa komunidad.
SOURCE: DEPED DIGOS CITY
