Padayon ang Malaysia sa pagpalapad sa barato ug inklusibong digital connectivity human mapili nga usa sa mga nasud nga adunay labing ubos nga internet rate kada gigabyte, sumala sa Communications Minister Datuk Fahmi Fadzil. Ang presyo sa internet mokabat lamang og duha ka sentimos kada gigabyte, ug gisiguro sa gobyerno nga magpadayon ang mga lakang aron mapabiling barato ug accessible ang digital services sa katawhan.
Paspas usab ang pagpalapad sa 5G network sa nasud, nga karon mao ang pinakakusog sa Southeast Asia ug ikaduhang pinakakusog sa Asia-Pacific, sunod sa South Korea. Matod ni Fahmi sa Baku, Azerbaijan, gikan Nobyembre 16 hangtod 19 pangulohan sa Malaysian delegation ang World Telecommunication Development Conference 2025 (WTDC-25) ug palig-onon ang kandidatura sa Malaysia sa International Telecommunication Union (ITU) Council para sa 2027–2030.
Gipasabot sa Malaysian Ambassador sa Azerbaijan, si Ahmad Kamrizamil Mohd Riza, nga ang partisipasyon sa ministro nagpakita sa lig-on nga tinguha sa gobyerno sa pagpalambo sa bilateral relations sa Azerbaijan, ilabi na sa teknolohiya ug digital nga sektor.
SOURCE: PNA
Photo courtesy to: World Buzz
