Trending sa social media ang bag-ong serye nga The Alibi nila Kim Chiu ug Paulo Avelino tungod sa ilang mapangahas ug kontrobersyal nga mga eksena. Pinaka gikagubtan sa mga netizens ang pole dance scene ni Kim isip Stella, nga giila nga usa sa pinakabold nga performance sa aktres samtang nagtutok si Paulo sa papel niyang si Vincent.
Tungod niini, nitunga ang reactions, memes, ug diskusyon sa online platforms nga nakapalapad pa sa pagka trending sa serye.
Ang The Alibi, gipasundayag ni Kim ang istorya ni Stella, usa ka ex-convict nga nakigbisog sa lisod nga kinabuhi ug napugos mosugot sa tanyag ni Vincent bugti sa usa ka milyon ka piso.
Ang deal mao ang pagtabang niya sa paghatag og alibi alang kang Vincent nga giimbestigahan sa pagpatay sa iyang karibal nga si Walter (Sam Milby).
Kini na ang ika-upat nga tambalan sa KimPau human sa kalampusan sa Linlang, What’s Wrong With Secretary Kim, ug My Love Will Make You Disappear.
Padayon nga gisuportahan sa fans ang ilang chemistry ug performance, ug makita nga ang The Alibi mihimo na usab og bag-ong kasikas sa streaming world, nga nagpalig-on sa ilang status isip usa sa pinakasikat nga loveteam sa digital era.
Photo courtesy: Philstar
