Niabot na sa Caribbean ang US Naval Strike force kauban ang US Gerald R ford-pinakadakong barkong panggubat, segon sa gikumpirma sa US Navy.
Gisaysay sa US Navy nga nasulod na sa ilang airstrike group ang area of responsibility sa US Southern Command, nga nagdumala sa Latin America ug Carribean.
Nalakip sa strike group ang musubra sa 4,000 sailors ug dinosenang aircraft, kauban ang guided-missile destroyers ug lain-laing mga barko.
Ang pag-abot sa strike group, nahisubay sa mando ni US President Donald Trump sa nakalabay pang bulan taliwala sa kampanya batok matod pa sa mga drug boat ug tensyon tali sa America ug Venezuela.
Una nang gi-akusahan ni Venezuelan President Nicolas Maduro ug uban pang opisyal ang America ang pagmugna sa krisis nga target mubungkag sa left-wing socialist government sa Venezuela.
Sa karon, anaa sa 19 nga mga pag-atake ang gilusad sa America batok sa mga barkong nagdala matud pa ug illegal nga droga nga giagi sa Carribean ug Eastern Pacific nga mikalas ug 76 ka mga kinabuhi.
Photo Courtesy to:CNN
