Mokabat sa 50,000 ka mga tilapia fingerlings ang giturn-over sa Bureau of Fisheries and Aquatic Resources (BFAR) Region 9 pinaagi sa Local Government Unit pinaagi kang Mayor Raul Famor sa Municipal Hall, Dumalinao, Zamboanga del Sur, adlaw’ng Miyerkules, Nobyembre 12,2025.
Ang maong tilapia fingerlings gitunol isip kabahin sa National Inland Fisheries Enhancement Program (NIFEP) nga nagtumong sa pagpausbaw alang sa food security labaw na sa mga vulnerable sectors.
Gipasalamatan ni Mayor Famor ang BFAR sa paghatag sa tilapia fingerlings gumikan ang programa nakatabang alang sa pagpadaghan ingon man sa sustainability sa panginabuhian sa mga mananagat sa Dumalinao.
Gi-apud-apod sa BFAR ug MAO personnel ang maong mga tilapia fingerlings sa unom ka mga barangay sakop sa maong lungsod sama sa Barangay Pag-asa, Mama, Rebokon, San Agustin, Matab-ang ug Pantad.
Ang turnover ceremony gitambungan nila Denmarth Vergara, Hatchery Technician, Muriel Aleta, Provincial Fishery Officer, Edcel Molejon, Technical Aide sa BFAR, Benjamin Balaobao, Jr., Fishery Technician, ug Gina Calunsag, Municipal Agriculturist.
