Nadakpan sa kapulisan ang duha ka mga suspetsado atol sa gilusad nga drug buy-bust operation sa Purok Gemelina, Barangay Upper Bag-ong Tudela, Josefina, Zamboanga del Sur, niadtong nakalabay nga adlaw.
Ang dinakpan usa ka 27-anyos nga lalaki, walay trabaho, residente sa Tangub City, Misamis Occidental, ug usa ka 38-anyos nga lalaki residente sa Bag-ong Tudela, Josefina, Zamboanga del Sur.
Gihimo ang operasyon sa pagpanguna sa mga joint operatives sa Josefina Municipal Police Station, Zamboanga del Sur Provincial Intelligence Team ug Regional Intelligence Unit 9.
Nabawi sa operasyon ang duha ka dakong pakete ug laing 11 ka gagmay’ng pakete sa druga lakip ang ka pack sa Winston Red cigarettes, usa ka black pouch, duha ka identification cards, usa ka green lighter, usa ka Android phone, buybust money ug cash nga nagkantidad ug Php340.00.
Ang mga nakuhang ebidensya gi-turnover ngadto sa Zamboanga del Norte Provincial Forensic Unit alang sa laboratory examination.
Samtang ang dinakpan nga mga suspetsado gikatakda nga ipailawom sa drug testing. Gi-andam na usab ang kasong paglapas sa RA 9165 kon Comprehensive Dangerous Drugs Act of 2002 nga ipasaka sa dinakpan.
Photo Courtesy to: PD ZSPPO, PRO9
