Pormal nga gi-turnover ang mga ripfles ug DJI Mavic 3 drones sa Police Regional Office-13, niadtong nakalabay nga adlaw, sa RMFB 13 Headquarters, Brgy. Tungao, Butuan City.
Si PBGEN Marcial Mariano P. Magistrado IV, Regional Director sa PRO13, kauban sila PCOL James T. Goforth, Chief of the Regional Staff, ug PCOL Glenn C. Sampaga, Chief sa Regional Logistics and Research and Development Division 13, nanguna gihimong turnover sa ekipo.
Gi-blesingan ang 50 ka yunit sa 5.56mm Basic Assault Rifles “EMTAN” nga kompleto sa mga accessories, cleaning kits, ug instructional manuals, apil usab ang 18,000 ka rounds sa 5.56mm Ball SS109 ammunition ug duha ka yunit sa rotary blade/propelled wing Unmanned Aerial Vehicles (UAVs).
Ang maong seremonya gipangulohan ni Rev. Fr. PMaj Rogen L. Leyson. Ang mga armas ug drones pormal nga gihatag sa Regional Mobile Force Battalion 13 nga gipangulohan ni PLTCOL Michael B. Lozada, Officer-in-Charge.
Kini nga kagamitan gikatakdang gamiton aron palig-onon ang internal security operations, law enforcement, ug disaster response sa tibuok Caraga Region.
