Balik-balik nga nangayo ug pasaylo si Teacher I Richbert Jhone B. Bahalla, sa Balila Elementary School, human gipusposan sa stand fan ang iyang mga kaubang magtutudlo sulod mismo sa school office pasado alas-9 sa buntag kagahapon Nobyembre 12, 2025.
Nailhan ang mga biktima nga sila Rasel D. Molina, ang School Officer-In-Charge (OIC), ug si Chonalyn P. Dilao, usa ka DepEd nurse sa Lantapan East District, lakip ang mirespondi nga police
Nangayog pasaylo si Bahalla dili lang sa mga biktima kondili lakip usab sa iyang pamilya ug sa tanang katawhan sa lungsod, tungod sa eskandalo nga nakamugnag kalisang sa mga magtutudlo ilabina trauma sa mga estudyante nga nakasaksi sa maong panghitabo.
Giangkon ni Bahalla nga “nawala siya sa iyang kaugalingon” atol sa insidente human dili molihok o mogana ang biometrics machine sa pag log-in sa duty niadtong higayona.
Gibutyag ni Department of Education Provincial Schools Division Superintendent Dr. Victoria Gazo sa pakighinabi sa Juander Radyo Malaybalay nga ipailawom sa rehabilitation process samtang nagpahigayon ug imbestigasyon ang kapulisan sa maong insidenti gumikan sa gihambin nga anxiety kon mental stress sa magtutudlo.
Subayon niini ang tukmang proseso nga nakalatid sa pamalaod sa DepEd uban ang kooperasyon sa kapolisan, ug kung mapamatud-an nga wala na sa kapasidad nga magtudlo ang suspetsado nga si Bahalla mamahimo kining tangtangon sa trabaho.
