Mitahan ang lima (5) ka miyembro sa New People’s Army (NPA) sa operasyon sa 8th Infantry Battalion niadtong Nobyembre 12, 2025, sa Bukidnon, dala ang duha ka armas nga ilang gihuptan.
Matod ni Battalion Commander LTC. Jeorge Jallorina, ang lima ka mitahan gikan sa dismanteled guerilla units sa Upper Pulange, Guerilla 589, ug SRC 4. Giila kini nga dako nga kalampusan alang sa ilang buhatan, tungod kay pipila sa mga rebelde mibalik na sa gobyerno.
Usa sa mga hinungdan sa ilang pagtahan mao ang kabag-ohan sa ilang kinabuhi human sa pipila ka tuig sa kabukiran ug ang pag-aplikar sa mga benepisyo sa gobyerno, sama sa Amnesty Program ug Enhanced Comprehensive Local Integration Program (E-CLIP).
Giawhag usab sa militar ang uban pang NPA nga anaa pa sa kabukiran nga mobalik sa gobyerno ug gamiton ang mga programa nga gitanyag para sa ilang reintegration sa katilingban.
Kahinumduman nga miaging buwan, pipila ka mga NPA ang mitahan sa St. Peter sa syudad sa Malaybalay, lakip na ang lungsod sa Impasugong, Bukidnon.
via: 8THIB
