Gihimo na sa gobyerno ang pagtuon sa Project NOAH (Nationwide Operational Assessment of Hazards) alang sa implementasyon sa Oplan Kontra Baha sa pipila ka lugar sa nasud. Ang Project NOAH, nga gilusad niadtong 2012, nagtumong sa flood control ug hazard mapping sa tibuok nasud pinaagi sa makabag-ong teknolohiya ug real-time monitoring systems.
Segon kang Pangulong Ferdinand Marcos, gikan sa datos sa maong proyekto, nakamugna na ang gobyerno og konkretong plano alang sa mas epektibong paghinlo, pagpalawom, ug rehabilitasyon sa mga agihanan sa tubig.
Dili lamang Metro Manila ang sakop sa proyekto, kundili apil usab ang mga lugar nga sagad ginabaha sama sa Cebu, Bacolod, Roxas City, Bulacan, Pampanga, Cavite, Laguna, Pangasinan, Cotabato, Davao, ug Cagayan de Oro.
Dugang pa sa Pangulo, tin-aw sa flood hazard maps kung asa nga mga pumping stations ang angay unahon sa pag-ayo aron mas epektibong makunhuran ang pag-apaw sa tubig.
Tungod niini, kumpiyansa si Pangulong Marcos nga dako ang mabawas sa mga pagbaha sa nasud sa dihang maayo ug mapakusgan ang operasyon sa mga pumping stations sa mga lugar nga sagad gibaha panahon nga kusog ang ulan.
via: INTERAKSYON
