Gipasalig sa Department of Finance (DOF) nga adunay igong pundo ang gobyerno alang sa hinanaling pagtubag ug rehabilitasyon sa mga lugar nga naigo sa linog ug bagyo.
Matod ni Finance Secretary Ralph Recto, gisiguro sa DOF nga andam kanunay ang pundo aron matubag ang mga panginahanglanon sa mga Pilipino sa panahon sa kalamidad.
Diin niadtong Nobiyembre 9, Php17.85 bilyon na ang gipagawas gikan sa Php21 bilyon nga Calamity Fund, samtang Php13.96 bilyon ang gipagawas gikan sa Quick Response Fund (QRF), lakip ang Php1.68 bilyon alang sa mga lugar nga naigo sa Bagyong Tino ug Super Typhoon Uwan.
Diin ang Department of Agriculture (DA) makadawat og Php1 bilyon , samtang Php631 milyones alang sa DSWD, ug Php53 milyones alang sa Philippine Coast Guard (PCG) alang sa hinabang ug rehabilitasyon.
Gimando usab ni Recto ang mga government financial institutions (GFIs) ug government-owned and controlled corporations (GOCCs) sa pagpadali sa tabang pinansyal sa mga apektadong komunidad.
Lakip sa niresponde ang Philippine Crop Insurance Corporation (PCIC) ug Small Business Corporation (SBCorp) aron matabangan ang mga mag-uuma ug MSME nga makabangon gikan sa kadaot nga gipahinabo sa mga katalagman.
Photo Courtesy to:Inquirer.net
