Gipagawas ni Agriculture Secretary Francisco Tiu Laurel Jr. ang bag-ong palisiya aron mapalig-on ang proteksyon sa nasud batok sa African Swine Fever (ASF) ug masiguro ang luwas ang pag import sa karneng baboy, ilawom sa Administrative Circular No. 12.
Matod sa kalihim, kabahin kini sa national zoning plan sa ASF recovery ug safe trade. Ang maong circular nagpatuman sa regionalization sa ASF, diin gilauman ang pagkahimakak sa ASF-free zones sulod sa mga nasud nga gitugotan ang pag-export base sa World Organisation for Animal Health (WOAH) standards.
Ang mga nasud nga adunay Department of Agriculture (DA) accredited facilities lamang ang tugutan nga mag-apply para sa ASF-free recognition, diin moagi kini sa unom ka bulan nga technical review sa Bureau of Animal Industry (BAI).
Gipasalig sa DA nga ang bag-ong guidelines naglatid sa balanseng food security ug mahigpit nga biosecurity measures, nga nagtinguha sa pagpanalipod sa lokal nga mga magbababoy samtang masiguro ang ligtas ug makatarunganong kalakalan sa karneng baboy.
Photo courtesy: DA
