Nadiskobrehan ni Presidente Ferdinand Marcos Jr. nga ang bag-ong heavy equipment sa Department of Public Works and Highways (DPWH), nga gipalit niadtong 2018 uban sa tabang sa World Bank, gitipigan sulod sa pito ka tuig sa bodega niini.
Sumala ni Presidente Marcos, ang mga makina wala gigamit tungod kay kini gitagana alang sa “The Big One” o usa ka dakong linog nga dugay nang gipangandaman sa nasud.
Apan alang sa presidente, dili angay maghulat sa usa ka dakong linog tungod kay ang balik-balik ug kaylap nga pagbaha igo na aron isipon nga usa ka “Big One.”
Tungod niini, gimando ni Presidente Marcos Jr. ang pagpagawas ug paggamit sa mga kagamitan alang sa mga operasyon sa dredging ug clearing sa mga suba, estero, ug mga agianan sa tubig sa tibuok nasud.
Photo Courtesy to:ABS-CBN
