Trending karon sa social media ug nakadawat ug daghang pasidungog si Jayboy Magdadaro, 15 anyos, nga giilang bayani human niyang maluwas ang kapin 50 ka residente sa baha atol sa bagyong Tino niadtong Nobembre 4, 2025.
Gamit lang ang usa ka bangka ug salbabida, giatubang ni Jayboy ang kusog nga hangin ug baha aron maluwas ang mga lumulupyo nga na-stranded sa barangay Cotcot ug Jubay, Liloan, Cebu City. Tungod sa iyang kaisog ug kadasig, daghang kinabuhi ang naluwas sa pinakagrabeng pagbaha sa lungsod.
Sa pag-ila sa iyang kabayanihan, personal nga gipasaligan ni Mayor Aljew Frasco si Jayboy ug ang iyang inahan, si Alma Magdadaro, nga tabangan sa tibuok edukasyon ni Jayboy hangtod siya makatapos sa pag-eskwela.
Sa mas sayo pa, si Barangay Mabolo Captain Atty. Daniel Francis Arguedo usab naghatag kang Jayboy og full scholarship alang sa bisan unsang kurso nga iyang pilion sa kolehiyo, lakip ang tanang bayronon sa eskwelahan ug ₱3,000 matag bulan nga allowance.
Ang kaisog ug kabayanihan ni Jayboy nahimong inspirasyon sa dakong komunidad, ug daghang netizens ang nagpasalamat ug nag-awhag sa kabatan-onan nga sundon ang iyang ehemplo.
via:TODAYS UPDATE
Photo Courtesy to:Acadeo
