Miabot sa Pacific coast sa Iwate Prefecture sa Japan ang gibana-banaan nga 20 sentimetro ang gitas-on sa tsunami human sa magnitude 6.9 nga linog nga mitay-og niadtong Dominggo sa hapon, Nobyembre 9, 2025.
Ang linog dunay giladmon nga 16 kilometros sa Iwate coast ug mitay-og kini mga alas 5:03 sa hapon, hinungdan nga nagpagawas og tsunami advisory ang Japan Meteorological Agency mga alas 5:12 sa hapon.
Nakita ang mga tsunami nga dunay 20 sentimetro ang gitas-on sa siyudad sa Kuji ug Ofunato. Gikuha sa ahensya ang advisory mga alas 8:15 na sa gabii.
Photo courtesy: Al24 News
