Mipasar og resolusyon ang ika-21 nga Konseho sa Siyudad nga nagtugot kang Mayor Rolando Uy nga makig-negosasyon sa Department of Environment and Natural Resources (DENR) ug sa Tourism Infrastructure and Enterprise Zone Authority (TIEZA) alang sa pag-abaga sa Garden of Malasag Eco-Tourism Village.
Ang resolusyon gihimo human gipaabot ni Konsehal Joyleen Mercedes Balaba ang kabalaka sa posibleng pagsira sa Malasag Eco Garden tungod sa kalisud sa panalapi atol sa regular nga sesyon sa konseho niadtong Lunes sa hapon (Nobyembre 10).
Ang TIEZA ang nagdumala sa eco garden ug nag-abang sa propidad gikan sa DENR. Apan dili na makapadayon ang TIEZA sa pagbayad sa abang, nga nisangpot sa kalisud sa pinansyal ug sa nagsingabot nga pagsira sa pasilidad, matod ni Balaba.
Miingon si Balaba nga ang pagsira mahimong makapawala sa trabaho sa 46 ka empleyado sa TIEZA. Usa ka hearing ang ipahigayon sa komitiba sa turismo sa konseho aron hisgutan ang mga paagi aron mapadayon ang operasyon sa pasilidad.
Photo courtesy: Gardens of Malasag Eco Tourism Village
