Opisyal nga nakuha og bag-ong Guinness World Record ang usa ka 34 anyos nga gamer sa Hungary human sa pagdula sa sikat nga rhythm game nga Dance Dance Revolution (DDR) sulod sa 144 ka oras
Naila ang maong gamer nga si Szabolcs Csépe, nga adunay angga nga “GrassHopper”, nakadaog og duha ka titulo sa samang higayon: ang “pinakataas nga video game marathon” ug ang “pinakataas nga video game marathon sa usa ka rhythm game”.
Ang iyang 144-oras nga dula malampusong nakalabaw sa miaging rekord nga 138 ka oras ug 34 segundos. Ang rekord gitala niadtong 2015 sa Amerikanong si Carrie Swidecki, kinsa nagdula sa dula nga ‘Just Dance’. Sumala ni Csépe, ang nahimo ni Swidecki dugay na nga nagdasig kaniya. “Sukad nga akong nahibal-an ang bahin sa nahimo ni Carrie Swidecki…
Kanunay kong maghunahuna kung giunsa niya kini nahimo,” gisulti ni Csépe sa Guinness World Records. “Dugay na kong nangandam… nga mahimong pinakabag-ong world record holder para ani nga titulo.”
Photo Courtesy:Guinness World Record
