Gipahamtangan og $25,000 nga multa si Brandon Ingram, forward sa Toronto Raptors, human niya gilabay ang iyang water bottle sa salog aron ipakita ang iyang kapungot batok sa Philadelphia 76ers.
Giingon ni James Jones, head sa basketball operations sa NBA, nga ang multa nahitabo niadtong Lunes tungod sa iyang kasuko sa third quarter sa dula nga napildi ang Toronto 130-120 sa Philadelphia.
Gipulihan si Ingram human siya gitawag sa referee tungod sa foul batok ni Trendon Watford ug nakadawat usab siya og technical foul tungod sa paglangan sa dula samtang nagpahawa sa court.
Gilabay niya ang water bottle samtang naglingkod sa layo nga tumoy sa bench. Ang botelya nibangga sa usa ka game attendant sa bukton ug nakaigo sa pipila ka tawo nga naglingkod sa courtside, lakip ang usa ka cameraman ug kauban sa Raptors nga si Scottie Barnes. Tungod niini, napugos ang pag-undang sa dula aron mapauga ang court.
Si Ingram mibalik human sa usa ka play ug nakatapos sa dula nga adunay 21 puntos, 8 rebounds, ug 5 assists sa 37 minutos. Sa kasamtangan, nag-average siya og 21 puntos, 6.3 rebounds, ug 4 assists sa Raptors.
Sa wala pa siya moapil sa Raptors, nagdula siya sa New Orleans Pelicans, diin siya nahimong All-Star ug giila nga Most Improved Player sa 2019-20.
SOURCE: ESPN
