Dose (12) ka tawo ang kumpirmadong patay samtang baynte-siyete (27) pa ang nasamdan sa usa ka makalilisang nga suicide attack sa gawas sa usa ka korte sa distrito sa Islamabad, Pakistan, niadtong Martes Nobembre 11, 2025 sa buntag.
Sumala sa lokal nga mga awtoridad, usa ka armadong suicide bomber ang misulay pagsulod sa korte apan gipugngan sa mga guwardiya sa seguridad. Pipila ka gutlo human sa pagpahunong, gipabuto sa suspek ang iyang mga eksplosibo duol sa main gate, nga hinungdan sa kaylap nga kadaot ug kamatayon sa mga sibilyan ug daghang mga opisyal sa pulisya.
Si Interior Minister Mohsin Naqvi miingon nga ang ihap sa mga namatay mahimong mas taas pa kung ang bomber nakasulod sa bilding.
Pagkahuman sa pagbuto, ang mga rescue team ug mga pwersa sa seguridad miresponde dayon, samtang gipabakwit ang mga empleyado ug litigante nga naa sa lugar. Ang mga nasamdan gidala dayon sa duol nga mga ospital, lakip ang Pakistan Institute of Medical Sciences, diin ang uban naa sa kritikal nga kahimtang.
via: NDTV
