Nipaulbo si Giannis Antetokounmpo og 41 puntos sa dihang giablihan sa Milwaukee Bucks ang pagdepensa sa ilang NBA Cup title uban ang 126-110 nga pagtumba sa Chicago Bulls didto sa Fiserv Forum Center sa Milwaukee, Wisconsin niaging adlaw
Ang two-time MVP mitali sab og 15 ka rebounds, siyam ka assists, duha ka steals. Mibubo siya og 19 puntos sa katapusang kuwarter nga nahimong taytayan sa Bucks ngadto sa 16 puntos nga paglubong sa Bulls.
Nihipos si Matas Buzelis og 20 puntos samtang si Josh Giddey mikolekta og 16 puntos, pito ka rebounds ug 14 ka assists.
Apan ang Bulls mitugyan sa nag-unang puwesto sa Eastern Conference ngadto sa Detroit Pistons, nga mipayaka sa Brooklyn Nets, 125-107, alang sa ikalima nilang sagunson nga daog luyo sa 34 puntos gikan ni Cade Cunningham.
Photo Courtesy to:Sports Illustrated
