Nagpadayon ang Iligan City Traffic Parking and Management Office (ICTPMO) sa pagpasabot sa publiko nga gihimo lang nila ang ilang tahas ug nag-awhag sa katawhan nga sundon ang mga traffic signs sa kadalanan aron malikayan anga ma-isyuhan ug citation ticket sa mga enforcer. Diin kini base sa gipatuman nga ordinansa sa syudad.
Matod ni Ralph Oblenda, ang Head sa ICTPMO, ang ilang buhatan nagsunod lang sa balaod ug ordinansa, ug dili sa ilang kaugalingong desisyon.
Gi-awhag ni Oblenda ang mga motorista o mga driver nga adunay reklamo, nga moadto lang sa opisina sa Iligan City Traffic Parking and Management Office nga nahimutang sa IBJT Compound, Tambo, Barangay Hinaplanon.
Pagpaklaro usab ni Oblenda nga ang tumong sa enforcement mao ang pagpahapsay sa trapiko ug paghatag og klaro nga pahimangno sa mga drivers, aron masinati ang kahapsay ang kadalanan sa syudad.
