Migahin og 1 ka oras ang usa ka lalaki gikan sa Australia aron mabasa ang iyang kaugalingun nga ngalan, kini karon naghupot sa Guinness World Record alang sa pinakataas nga personal ngalan ang midawat og usa ka hagit: ang pagbasa sa iyang tibuok nga ngalan,naglakip sa kapin sa 2,000 ka mga middle name.
Naila ang maong lalaki, si Laurence Watkins, legal nga nag-ilis sa iyang ngalan niadtong Marso 1990. Nagdugang siya og 2,251 ka pangalan, nga miresulta sa kinatibuk-an 2,253 ka talagsaon nga mga pulong sa iyang ngalan.
Si Watkins miingon nga sa dihang siya naminyo, migahin og 20 minutos ang officiant aron mabasa ang iyang tibuok nga ngalan. Apan sa dihang gisulayan niya kini nga basahon alang sa usa ka Guinness video, migahin kini og kapin sa 1 ka oras.
Ang iyang ngalan nagsugod sa: Laurence Alon, Aloys, Aloysius, Alphege, Alun, Alured, Alwyn, Alysander, Ambie, Ambrose, Ambrosius Amias, Amiot Amyas Anders Andre, Andrea , Andreas ,Andrew, Andy, Aneirin, Anguish, Anleifr, ug dili lang kana ang tanan niyang mga ngalan nga nagsugod sa letra nga “A”.
Matod niya nga “Kanunay kong nahingangha sa mga katingad-an nga rekord… Gibasa nako ang libro sa Guinness World Records gikan sa sinugdanan hangtod sa katapusan aron makita kung unsa ang akong mapildi, ug kini ra ang akong nakita nga naghatag kanako og paglaum.
Dugang pa niya nga miagi siya sa daghang mga paperworks,ug daghang mga pagpakita sa korte aron mahimong legal ang pag-ilis sa ngalan. Human malampuson ang iyang pag-ilis sa ngalan, gipasa ang mga bag-ong balaod nga nagpugong sa uban sa pagsulay sa pagkuha sa iyang rekord.
Miingon siya nga ang iyang paborito nga ngalan sa iyang lista mao ang “AZ2000,” nga nagpasabut nga siya adunay mga ngalan gikan sa A hangtod Z ug siya adunay 2,000 ka mga ngalan.
Photo Courtesy: queanbeyanage
