Nagkadaghan na karon sa nasud Sweden ang mga tawo nga nagpili nga magpabutang ug gamay nga microchip ilawom sa panit sa ilang kamot. Kini nga device makatabang aron makabayad, maka-abli ug pultahan, ug makasulod sa mga elektronikong sistema bisan walay gamit nga card o yawe.
Ang mga microchip naggamit sa teknolohiyang NFC — mao gihapon nga teknolohiya nga gigamit sa mga mobile phone para sa contactless payment.
Daghan ang nalipay ug positibo ang pagdawat sa maong teknolohiya tungod sa kaharuhay ug kasayon sa paggamit. Apan, adunay gihapon mga tawo nga nabalaka bahin sa seguridad sa personal nga datos ug sa posibilidad nga makompromiso ang ilang privacy.
Photo Courtesy to:Destiny Young
